katsaka tsaramaso voanjobory

indro tsinjoko eto hazo maitso … raozy mena koa

indreo mandrobona izy … ho ahy sy ho anao

dia hoy aho lasan’embona … endrey, mba tontolo tsara loatra

endrey zany lanitra manga … ‘reto rahom-potsy koa

andro mirana sy soa … alin-tsarobidy koa

dia hoy aho lasan’embona … endrey, mba tontolo tsara loatra

ny havana maro loko … tsara loatra … eny an-danitra eny

hita soritra ihany koa … eny amin’ny  endrik’ I Koto sy Kala  

'reo mpinamana mifamihi-tanana … mifanontany fahasalamana

mifamboraka ny ao am-po … miventso hoe “tiako ianao”

endrey zany zaza mitomany … variana aho mandinika azy

ny fahaizan’izy ireo anie … ka ho tapitr’ohatry ny ahy

dia indro lasan’embona aho … endrey, mba tontolo tsara loatra

eny, lasan’embona aho … mba tontolo tsara loatra

(dika teny malalaky ny hiran'ingahy Louis Armstrong, 

What a Wonderful World)